Blasphemy (ब्लास्फेमी)

माझ्या दृष्टीनं माझा नवरा हा माझ्या मुलाचा खुनी होता. माझ्या लेकीवर अत्याचाराचा प्रयत्न करणाराही तोच होता.एक बांडगूळ- पवित्र ग्रंथाला कुरतडणारं. तो ल्यूसिफर होता.माझा गळा पकडून मला रोज रात्री पापाकडे लोटणारा सैतान होता. अनाथांवर बलात्कार करणारा, दुर्बलांचं रक्तशोषण करून स्वतः पुष्ट होणारा राक्षस. परंतु...या सर्वांहून अधिक भयंकर होतं त्याला अल्लाचा दूत मानलं जाणं. अल्लाजवळ पोचू शकणारा आमचं सर्वांचं नरकापासून रक्षण करू शकणारा देवदूत मानलं जाणं.