Kshanika (क्षणिका)

"क्षणिका " हा आहे छोट्या छोट्या स्फुटांचा,कथुल्यांचा, विचारमंथनातून आलेल्या मतांचा, मनाच्या हुंकारांचा संग्रह. काही क्षण आयुष्य उजळून टाकणारे असतात तर काही आयुष्याची लक्तरे करणारे! पण क्षण कोणताही असो ! सुखाचा, दुःखाचा ! आपण त्याला कसे सामोरे जातो ते सर्वात महत्वाचे आहे. लक्षात ठेव रसिका, रंगीत फोटोच्या सुंदर प्रिंट्स डोळ्यांना सुखवितात पण त्यांच्या निगेटिव्हज गडद अंधारातच धुतल्या जातात. तेव्हा एक मनी धरायचं, खूप निराश वाटेल त्याक्षणी, रसिका, विधाता तुझ सुंदर चित्र रंगवितो आहे ! दिलीप प्रकाशनाचे माझे हे पुस्तक एवढेच सांगतेय प्रिय वाचका, जेव्हा तुला निराश, उदास वाटेल तेव्हा या पुस्तकाचे कोणतेही पान उघडून वाच. तुझ्या लक्षात येईल. जीवन सुंदर आहे. खूप सुंदर !